Fréttir

Já, hann keppti í öllum greinum og fór glæfrastökk á sleðanum. Held hann hafi verið bestur í öllu, var það ekki, enda æfir hann á Bjargi.

Nú er Hot yoga áskoruninni lokið og við förum að fækka tímunum eitthvað.  Munum líklega halda inni öllum tímunum fram að páskum en þá falla einhverjir tímar út.  Þriðjudagar og fimmtudagar kl. 17:30 verða áfram inni og allavega einn tími í viðbót.

Páskaspretturinn byrjaði í dag á Hot yoga.  Þrjár vikur og æfingar 5x í viku lágmark.  Góður hópur er skráður á námskeiðið en samt er pláss fyrir nokkra í viðbót.  Góðir kennarar með mikinn metnað sjá um námskeiðið. 

Næsta miðvikudag kl. 8:15 verður heitur rúllutími í stað þrektíma. Sjálfsnudd og teygjur í heitum sal, notum bandvefslosunarrúllur og litla bolta.Gott að hafa með sér vatn, vera berfættur og hafa handklæði.  Þeir sem vilja þolið mæta fyrir kl. átta, taka 500 metra á róðravél, 6 mín á hlaupabretti / stígvél og hlaupa 10 ferðir í stigann, koma svo sveitt og sæl niður í nuddið.  Hlökum til að sjá ykkur, Andrea og Guðríður 

Mánaðarþrekkort á 8.000 kr.  Gildir lengur ef verkfallið dregst á langinn.  Innifalið í þrekkorti er tækjasalur, spinning, þrektímar, Zumba, Body Pump og heitur þrektími.  10 tímar í Zumbu fyrir 5.000 kr. og 10 tímar í Hot yoga fyrir 5.000 kr.

Úrvalshópur frjálsíþróttasambands Íslands, 15-22 ára var hér um helgina í æfingabúðum.  Hópurinn gisti á Bjargi, borðaði, æfði, skemmti sér og naut lífsins.  Krakkarnir komu flest að sunnan en slatti að norðan og austan.

Það verða gestakennarar í spinning kl. 17:15 í dag.  Arna Benný Zumbakennari og Jonni kærastinn hennar ætla að hjóla með ykkur, svitna, puða og púla.  Bara gleði!!

Anna er búin að frumflytja nýja Body Pumpið, algert æði hef ég heyrt.  Hóffa og Abba frumflytja nýjan Body Balance á morgun kl. 17:30.  Góðar æfingar við einstaka tónlist. 

Það geta allir átt von á vinningi sem mæta í Hot yoga í mars.  Allir drógu miða á sunnudaginn (um 35 manns) og á miðanum voru heilræði og vinningur á einum þeirra, 10 tíma kort í Hot yoga.  Hvetjum alla sem eru með í áskoruninni að mæta lágmark 4x í viku og finna ávinninginn.  Annars eru margir að koma 1x-2x í viku sem er flott með annarri hreyfingu. 

Allir skólanemar geta núna keypt ódýr 10 tíma kort í Hot yoga og Zumbu.  Kortin kosta aðeins 5.000 krónur og verða til sölu út apríl.  Þessir tímar eru vinsælir hjá unga fólkinu og við ætlum að koma til móts við þau og gefa 50% afslátt af þessum kortum.