Fréttir

Það fór einn kennari frá okkur á Body Attack námskeið um helgina og stóðst prófið með glans. Nú er bara að láta sig hlakka til að prufa þennan frábæra þoltíma eftir eina til tvær vikur.

Það verður Les Mills workshop í Átaki á laugardaginn, 27. febrúar. Kennarar í Les Mills kerfunum á Íslandi hittast tvisvar á ári þegar ný kerfi koma og kenna hvor öðrum. Fyrir ári síðan ver þetta hér á Bjargi en er núna í Átaki. Fastagestir okkar í þessum tímum ef velkomið að mæta.

Við biðjumst afsökunar á því að heimasíðan hefur verið úti í nokkra daga. Það gerðist ýmislegt á meðan, öskudagurinn og skólafrí, salsanámskeið og konudagurinn.

Gunnar Atli hefur verið að nota lóðin aðeins með í spinningtímunum á föstudagsmorgnum og er fólk ánægt með skemmtilega tibreytingu. Við mælum með að sem flestir prufi ironspinning hjá Gatla.

Við erum með þrjá BodyJam tíma í viku, hvetjum dansáhugafólk til að nýta þá vel. Í hádeginu á þriðjudögum er frí barnagæsla meðan á tímanum stendur. Svo er tími á miðvikudagskvöldum kl.20:30 fyrir þau sem vilja koma seint.

Við viljum vekja athygli á því að við erum að borga bænum 250 kr fyrir hvert skipti sem einhver fer í sund með kort frá Bjargi. Einhverjir héldu að við fengjum þetta frítt, en svo er ekki. Við ætlum að vera með sundkortin út mars og endurskoða allt þá.

Teljarinn fór í 2100 fyrir nokkrum dögum og er það hæsta tala sem við höfum séð á virkum kortum hér. Allan veturinn er talan að sveiflast í kringum 2000 en lækkar svo á sumrin.

Júlía Linda Ómarsdóttir er stödd hér fyrir norðan núna og er að mæla hjá okkur á morgun og fyrir hádegi á miðvikudag. Enn er hægt að fá tíma og hvetjum við alla sem eiga bókina hennar að koma í eftirlit.

Á mánudaginn (15.feb) byrjar nýtt Gravitynámskeið kl 06:15 og er fullt á það. 22. febrúar byrjar svo nýtt 4 vikna námskeið fyrir 60 ára og eldri og er það kl 09:30 tvisvar í viku.

Það er fátt betra en að setjast á hjólið kl 11 á sunnudagsmorgni og spinna í einn til einn og hálfan klukkutíma og hlusta á góða tónlist. Við mælum með þessum tímum og ef þið eruð með lög sem