Fréttir

Það verður gleðskapur á Græna Hattinum fyrir alla sem æfa á Bjargi og gesti þeirra á morgunn. Húsið opnar klukkan 21 og skemmtiatriði byrja um kl. 22:00.

Rúmlega 20 manns mættu í kynningartímann í Body Vive. Þetta kom flestum á óvart og hópurinn skemmti sér vel og svitnaði mikið.

Davíð einkaþjálfari er mjög duglegur að bæta við þekkingu sína og fer á mörg námskeið á hverju ári. Hann er nýkomin heim frá Toronto í Kanada þar sem hann lærði allt um posturologi, eða líkamsstöðu.

Sandra var frábær um helgina og náði góðum árangri með þau sem mættu um helgina. Því miður var rosalega léleg mæting sem er synd, því hún er sú besta í þessu og dansinn er skemmtilegur.

Abba tók fullt af myndum í gær sem má skoða á myndasíðunni. Skyrbarinn er kominn niður og þar má kaupa smoothie úr hollu hráefni.

Við kláruðum þrjú Lífsstílsnámskeið á mánudaginn og var árangurinn glæsilegur að vanda. þrjár náðu að létta sig um 10% á 8 vikum sem er mjög erfitt og fengu þær 6 mánaða kort í verðlaun fyrir það og allar nældu þær sér í 3 mánuði í viðbót fyrir að léttast mest og taka af sér flesta sentimetra í sínum hóp.

Sáuð þið Kastljósið á föstudagskvöldið? Þar var talað við Söndru Krumpkennara í Kramhúsinu og nokkra sem eru að dansa með henni.

Núna getur fólk horft og hlustað á sjónvarpið í hlaupabrettunum nýju, einnig útvarpsstöðvarnar.

Það er oft sem við fáum að heyra það að börnin draga mömmu og pabba í ræktina því þau vilja komast í barnagæsluherbergið.

Við erum búin að gera óformlega könnun hvort fólk vill koma á Árshátíð með mat og öllu eða bara partý. Flestir vildu bara ódýrt partý þar sem við gætum skemmt okkur og dansað vel og lengi.