Fréttir

Námskeiðin Nýtt útlit klárast í næstu viku

Það eru ennþá 39 opnir tímar í boði í töflunni, 5-8 tímar á dag og mikil fjölbreytni.  Einhverjir tímar eiga eftir að detta út og þetta er alltaf svona í aðdraganda jóla.  En ef tímar eru vel sóttir þá höldum við þeim inni.

Þau sem að sakna heitu tímanna á morgnana, Hot Yoga og Body Fit sem voru á þriðjudögum og fimmtudögum kl 8:15 geta komið í heita tíma hjá Öbbu kl 9:30 sömu daga.  Þessir tímar líkjast Body Fit tímunum og eru í námskeiðinu Nýju útliti en það er frekar léleg mæting og alveg pláss fyrir nokkra í viðbót.  Hinir tímarnir koma svo inn á nýju ári.  Heitu tímarnir eru dýrir tímar og því höldum við þeim ekki gangandi með 6-10 manns.

Síðasti Body Step tíminn á þessu ári verður á morgun. Hóffa kennir þennan skemmtilega pallatíma sem fer svo aftur af stað í janúar 2013. Við munum endurskoða tímatöfluna og taka einhverja tíma út og líka koma með eitthvað nýtt á nýju og spennandi líkamsræktarári.

Spinningtíminn á föstudögum kl 17:30 færist fram um hálftíma . 

Það er hægt að velja um 3 Hot yoga tíma núna eftir að við felldum morguntímana út.  Þriðjudagstíminn er alltaf stæstur og komast ekki allir inn sem vilja.  Það er pláss fyrir fleiri á mánudögum kl 18:30 og svo er ekki alveg eins troðið á fimmtudögunum.  Við munum setja morguntímana aftur inn eftir áramót.

Það var brjálað að gera í gær og allir tímar troðfullir svo og tækjasalurinn.  Þegar svona er þá er bílaplanið líka vel fullt.  Bendum fólki á að koma gangandi eða með strætó ef það er möguleiki. Annars er bara stuð þegar svona margir eru í tímum.

Nú þegar spinningtíminn sem var kl 16:30 á þriðjudögum er horfinn þá græðir þrektíminn öll hjólin.  Bendum því þeim sem voru að mæta í spinning að prufa þrekið.  Hjólin verða eflaust notuð og Elvar mun kenna þessa tíma á móti Hóffu.  Góðir þrektímar sem henta öllum.

Gerum góða stöð betri.  Núna út þennan mánuð er hægt að láta álit sitt í ljós á hverju sem er.  Þau sem fara í tíma geta skrifað á miða hvernig var og hvernig kennarinn stóð sig.  Einnig má skrifa allt í sambandi við aðstöðu á þessa miða og setja í kassa.  Hvetjum ykkur til að vera með og það má skrifa oftar en einu sinni, sérstaklega þau sem eru dugleg að fara í tíma.

Ef þú hefur ekki ennþá prufað Body Pump þá er komið að því.  Jóna kennir kl 17:30 í dag og mun taka vel á því með stöngina, lóðin, pallinn og dýnuna.  Engin spor eru í þessum tímum en Pumpið er frábær styrktarþjálfun og þið fáið góða kennslu í framkvæmd æfinga.