Fréttir

Þriggja vikna námskeið byrjar 11. júní og endar 30. júní.  Tímar þrisvar í viku kl. 16:30.  Heitur þrektími á mánudögum, Gravity á miðvikudögum og föstudögum.  Möguleiki á aukatímum hina dagana eða kennslu í tækjasal. Gravity eru styrktartímar í sérhönnuðum bekkjum þar sem unnið er með eigin þunga.  Tímarnir henta öllum, fólki í toppformi og byrjendum því hver og einn styllir álagið við hæfi.  Þrektíminn á mánudögum er í Hot yoga salnum, verulega vaxtamótandi og skemmtilegir tímar.  Abba og Óli sjá um kennsluna.

Það verður lokað á Bjargi fimmtudaginn 29. maí.

Vekjum athygli á því að Body Pumpið er komið yfir á þriðjudagana og er kl. 17:30.  Erum með flotta tímaröð kl. 17:30: spinning, Body Pump, súperkeyrslu, Hot yoga og spinning/þrek. Tvisvar í viku er svo útitími hjá Óla kl. 17:15.  Vonumst til að sjá sem flesta í þessum tímum, enn er hægt að prófa allt sem þið viljið út maímánuð.

Hádegisþrekið og Zumban voru úti í dag.  Opnuðum tækjasalinn og settum hjól og róðrarvélar út.

Síðasti föstudagsspinningtíminn er á morgun.  Opinn fyrir alla sem vilja prufa, sviti, puð og stuð á föstudegi.  Tíminn er kl. 17:15.

Við erum í sumarskapi og það er fátt skemmtilegara en að dansa á sumrin.  Arna Benný er frábær danskennari og ekki verra að hún er íþróttafræðingur.  Hún geislar af dansgleði og Zumbadansarnir eru skemmtilegir við enn skemmtilegri tónlist.  Allr geta því notfært sér að dansa á Bjargi í sumar og ef veðrið er gott þá færum við dansinn út á pallinn.  Tímarnir eru á mánudögum kl. 16:30. 

Við framlengjum tilboðið á þrekkortinu til 3. júní.  Árskort á 86.000 kr. og þrír mánuðir í kaupbæti.

Sumartaflan tekur við 26. maí með fjölbreyttum og skemmtilegum tímum. Þá breytist opnunartíminn líka.  Á mánudögum og miðvikudögum verður opið frá 6 til 21.  Á þriðjudögum og fimmtudögum frá 6 til 23, 6 til 19 á föstudögum, 9 til 16 á laugardögum og 10 til 14 á sunnudögum.  Ef notkunin á kvöldin verður léleg þá styttum við opnunartímann.  Einnig ef einhverjir tímar eru illa sóttir þá leggjum við þá niður.

Tryggvi er með Bjargþrekið í fyrramálið og hann lætur fólkið örugglega taka vel á því.  Abba er með Body Balance, alltaf jafnvinsæll tími, öflug blanda af yoga og Pilates við æðislega tónlist.  Anna lætur  alla í FIMM/TVEIR hópinum örugglega finna fyrir því á þrekæfingu á meðan Abba verður með meistaraflokkinn í handbolta í Hot yoga. Opinn Hot yoga tími verður svo á sunnudaginn, 60 mínútna tími kl. 11, Abba kennir. Óli er nýbúin að þrífa útigufuna, eimgufa af bestu gerð. Sigrún býr síðan til bestu smothie drykkina.

Núna eru 3 heitir þrektímar vikulega og einn volgur.  Annan hvern miðvikudagsmorgun kl. 8:15 er heitur þrektími hjá Öbbu og sá fyrsti er á morgun.  Opinn tími fyrir alla sem eru með þrekkort og aðra sem vilja prufa frábæra og öðruvísi tíma.  Einn tíminn er á mánudögum kl. 17:30, annar á þriðjudögum kl. 16:30 og volgi tíminn er á fimmtudögum kl. 16:30.  Þetta eru vaxtamótandi, styrkjandi og liðkandi tímar.