Fréttir

Jump fit tíminn var í gær og ekki var þetta nú beint auðvelt en skemmtileg tilbreyting. Ótrúlega erfitt fyrir upphandleggsvöðvana og frábær þolæfing.

Við höfum aldrei boðið uppá jafnmikla barnagæslu að sumri til og núna. Nýtingin er ágæt og til dæmis komu 13 krakkar í morgun. Gæslan er frí og erum við frumkvöðlar í því hér á landi.

Það er svo frábært skjól á útisvæðinu okkar þessa dagana og notalegt að vera þar í blíðunni. Um síðustu helgi komu 3 hópar í dans og ýmsa vitleysu og svo var farið í pottana á eftir.

Það var víst góður hópur af fólki sem er að æfa hjá okkur sem kláraði tindana 24 á 24 tímum, og Rannveig sigraði í Laugavegshlaupinu!!!

Valdís Sylvía Sigþórsdóttir kemur á fimmtudaginn og verður með kynningartíma í Jump fit þar sem þú vinnur mest með sippuband.

Fólk er að átta sig á okkar glæsilegu útiaðstöðu og kemur hingað í sólbað þegar allt er fullt í sundlaugunum.