Fréttir

Við hvetjum alla sem mæta í ræktina á laugardaginn að mæta í skærum Pollapönkslitum og vera fordómalaus allan daginn.  Fimm/tveir hópurinn æfir kl. 11:30 og ætla að vera í skæru litunum.  Hvernig er með Body Balance konurnar og Bjargþrekshópinn?  Áskorun um að gera það sama og líka þau sem mæta í salinn.

Við erum að klára nokkur námskeið í næstu viku.  Næsta fimmtudag verður volgur þrektími kl. 16:30 og síðasti Hot yoga tíminn á fimmtudegi í bili.  Hot yoga tíminn á sunnudegi færist aftur um hálftíma og verður kl. 11 í sumar. Eftir 9. maí fellur spinningtíminn á þriðjudögum niður, heiti þrektíminn á þriðjudagsmorgnum færist yfir á miðvikudaga og verður til skiptis á móti venjulegum þrektíma.  Hot yogatíminn á þriðjudagsmorgnum færist yfir á miðvikudaga.

Já, Óli ætlar að vera með námskeið í maí og fram í júní.  Skokk og æfingar, oftast úti, en möguleiki á innitíma ef veðrið er leiðinlegt.  Hann verður á pallinum á Bjargi en ferðast líka um bæinn með hópinn.  Tímarnir verða á þriðjudögum og fimmtudögum kl. 17:15 og þeir eru opnir fyrir þrekkortshafa.  6 vikna námskeið kostar 15.000 kr.  Byrjum 12. maí.

Við ætlum að halda áfram með ódýru tækjasalskortin þar sem Bjargþrekið á laugardagsmorgnum fylgir með.  Árskort á 49.000kr. Hinn kosturinn er Þrekkortið.  Það veitir aðgang að tækjasal og öllum tímum nema einstaka lokuðum námskeiðum.  Hot yoga og Body Balance fylgja þrekkortinu frá 1. maí.  Þannig að nú geta allir sem eiga þrekkort mætt í Hot yoga og fleiri skemmtilega tíma.  Næsta vetur verða þessir tveir möguleikar áfram. Það verður samt hægt að kaupa 10 tíma kort í Hot yoga áfram.

Það verður lokað 1. maí á Bjargi.  Hvetjum alla til að koma í 1. maí hlaup UFA við Þórsvöllinn kl. 12.  5 km hlaup fyrir almenning, 400m hlaup fyrir leikskólakrakka og skólahlaup og keppni milli skóla fyrir grunnskólanema.

Tímataflan breytist frá 9. maí og svo aftur 26. maí.  Hot yoga og Body Balance verða inní þrekkortinu en það verður samt áfram hægt að kaupa 10 tíma kort á 10.000 kr í sumar. Væntanlegar töflur.

Body Balance tíminn á miðvikudögum verður í framtíðinni kl. 17:00.  Hentugra fyrir flesta og meira næði í heita pottinum eftir tímann fyrir hópinn.  Við höldum áfram að selja 10 tíma kort í þessa tíma en síðan fara þeir inní þrekkortið um miðjan maí.

Það er góður hópur mættur á fimm/tveir námskeiðið okkar.  Þau byrjuðu á miðvikudaginn í pumpi hjá Önnu og spinning hjá Óla.  spjall og vigtun.  Í gær voru þau ein í stöðinni með Hrönn, Óla og Öbbu og þá var mælt, myndað og tekið hrikalega á því í tækjasalnum.  Öflugur og skemmtilegur hópur sem ætlar að gera það sem þarf til að léttast.

Það verður lokað á Bjargi á sumardaginn fyrsta, næsta fimmtudag.

Hot yoga tímunum fækkar með hækkandi sól.  Tímarnir á mánudögum og miðvikudögum kl. 16:30 eru hættir og miðvikudagstíminn kl. 20 líka.  4 tímar eru ennþá inni, þriðjudagar kl. 9:15 og 17:30, fimmtudagar kl. 17:30 og sunnudagar kl. 10:30.  Þetta gæti breyst svo nú er um að gera að fylgjast vel með.