Fréttir

Stelpurnar ætla að riðjast inní Ólatíma á laugardaginn og frumflytja nýtt CXWORX.  Óli byrjar og verður með 30-40 mínútna þoltíma.  Hóffa, Anna, Birgitta og Þóra taka svo við síðasta hálftímann og djöfla mannskapnum út í plönkum og öðru skemmtilegu.

Við erum að frumflytja nýju Les Mills kerfin núna.  Hóffa kom með nýtt step í dag, vel erfitt og þrekhringur í boði, spennandi.  Pumpið er flott að vanda og svo mun líklega verða opinber frumflutningur á Ótrúlega flottum kjarnaæfingum í Ólatímanum á laugardaginn.  Anna er búin að frumflytja nýtt Combat og Abba Vive.

Elvar Sævars ætlar að koma inn í næstu viku og þá setjum við spinningtímann kl 16:30 á þriðjudögum af stað.  Óli mun kenna tímann á móti honum.  Elvar kemur svo inní morgunþrekið á föstudögum eins og sl. vetur og kennir þá á móti Tryggva.  Góðir og metnaðarfullir kennarar, það er okkar auður.

Konutíminn er og hefur verið þrektími, þar sem öllu er blandað saman

Það er margt spennandi á haustönninni hjá okkur.  Fyrst er að telja fjölskyldudaginn sem verður sunnudaginn 30. september.  Þá geta krakkar á öllum aldri æft í tækjasalnum í fylgd forráðamanns.  Þrautabraut fyrir þau yngstu. Dömulegir dekurdagar verða um miðjan október og við höfum fellt dekurhelgina okkar inní þá dagskrá.  Kertaljós, nuddarar við pottinn, frítt fyrir alla í Hot Yoga og þá tíma sem verða í boði þessa helgi.  Happdrætti og aðrar uppákomur.  Í lok október munu spinningkennararnir svo verða með DVD spinnig.  Góðar hljómsveitir á stórum skjá, nokkrir kennarar og svaladrykkur.  Fleira er á döfinni og verður auglýst síðar.

Þegar veðrið er svona hefur maður ekkert annað að gera en að koma inn og svitna ærlega í skemmtilegum tímum.  Hóffa er mætt á svæðið og byrjar með Body Step í dag.  Munið líka eftir heita tímanum kl 17:30, Body Fit.

Loksins eru sunnudagstímarnir komnir inn aftur.  Tryggvi byrjaði með þessa tíma sl. vetur og þeir slógu rækilega í gegn.  Það er hægt að koma og fara í báða tímana, 45 mín spinning og 30 mín þrekhring eða velja annan hvorn.  Spinning kl 10:15 og þrekið kl 11. Tryggvi mætir með flottan lagalista í spinning að vanda og þrekhringurinn er einfaldur og á færi allra.

Það er hægt að velja um þrjá geggjaða tíma á föstudögum eftir hádegi. 

Nú eru tímar í hádeginu alla virka daga.  þrektími á mánudögum og föstudögum, CXWORX core timi á þriðjudögum, Spinning/þrek á miðvikudögum og Body Pump á fimmtudögum.  Frábær blanda til að ná árangri.  Kl 8:15 á morgnana er svipuð blanda nema þar eru heitir tímar tvisvar í viku, Hot Yoga og Body Fit boltatími.  Gott að æfa í heitum sal að morgni því líkaminn er styrðari í morgunsárið og hitinn hjálpar.  Kl 6:10 er hægt að fara í spinning 3x í viku, tvisvar í 20 mínútur og einu sinni í 50 mín.  CrossFit æfing í 40 mín tvisvar og Gravity einu sinni.  Við munum svo opna fyrir Hot Yoga kl 6:10 á þriðjudögum eftir 20. september. 

Body Step tíminn fellur niður í dag.  Vonum að hann komi inn í næstu viku.