Fréttir

Það er komin bleikur blær á stöðina, bleik ljós og kertaljós.  Munið að draga með ykkur gesti, frítt í 4 daga.

Það verður opið í Hot Yoga hjá Öbbu kl 8:15 á föstudaginn, einnig verður Hot Yoga í hádegistímanum hjá Bryndísi.  Aukatími verður kl 10:15 á sunnudeginum vegna dekurhelgar Bjargs.  Þá verður 90 mínútna vinyasa tími, frekar krefjandi flæði og fullt af ákorunum og góð slökun í restina.

Það verður frítt hjá okkur í allt í 4 daga þegar dömulegir dekurdagar fara fram á Akureyri.  Dekurhelgin okkar verður á sínum stað og er jafnt fyrir konur og karla.  Dagskráin okkar er spennandi og nuddararnir verða við innipottinn á álagspunktunum.  Bætum við einum tíma kl 10:15 á sunnudagsmogninum verðu 90 mínútna Hot Yoga, Hot yoga tíminn á föstudag kl 8:15 er líka opinn öllum sem vilja. Það verður notalegt á Bjargi þessa daga, kertaljós og happdrætti, dansmaraþon og stuð á laugardeginum kl 12, og alls er hægt að koma í 4 danstíma á Dekurhelginni.  Fullt af spinning, Body Fit, Body Pump og meira að segja Hot Yoga í hádeginu á föstudag.

Bubbi Morthens æfir hér þegar hann er á ferðalagi og er þá boxpúðinn vinsælastur.  Stelpurnar í lífsstílnum voru til í að bjóða honum á neðri hæðina og fá eitt lag.  En Bubbi klikkar ekki á litunum, er alltaf í appelsínugulu, flottur!

Nýtt útlit kl 9:30 og 16:30 byrjar næsta þriðjudag, 9. október.  Vegna fjölda óska verða tímarnir 3x í viku en ekki 4x eins og var og þá Gravity einu sinni og heitur tími tvisvar.  Gravity hjá morgunhópnum verður þá á mánudögum og 16:30 hópurinn verður tvískiptur, annar hópurinn á mánudögum og hinn á miðvikudögum.  Næsta Gravity Extra námskeið fyrir þau sem eru 30 kg of þung eða meira byrjar 16. október.

CXWORX í hádeginu á þriðjudögum hefur ekki verið vel sóttur og er því hættur.  Barnagæslan er næstum ekkert notuð milli kl 8 og 9 á morgnana, eitt til tvö börn hafa komið suma daga en oftast engin.  þannig að frá og með mánudeginum 15. október byrjar gæslan á morgnana kl 9:15, en ekki 8:15.

Skvísutímarnir byrjuðu í gær og það mættu um 15 hressar konur.  Öll námskeið eru í fullum gangi og það er virkilega troðið í suma tíma eins og Body Pump, Hot Yoga og spinning.  Förum að athuga með að afhenda miða í suma tíma, 30 manns í Hot Yoga er hámark.  En það er stemming í tímum þegar margir eru eins og t.d. í súperkeyrslunni hjá Tryggva í gær, pakkaður salur, gaman.

Tryggvi verður með þema í spinning í dag, almennilegt!!!  Drengirnir í U2 fá 60% af tímanum og Queen fá 40%, eða þetta sagði hann í gær.  Gott að mæta tímanlega til að tryggja sér besta hjólið og góðan stað í salnum til að fá tónlistina í æð.

Það geta allir farið í spinning í ca 20 mín 2x í viku kl 6:10 á morgnana.  Flott upphitun og þó að CrossFit æfing sé á eftir þá þarf ekki að taka hana.  Þetta á líka við um 30 mínútna spinningtímana á þriðjudögum og miðvikudögum, Það er foltt að mæta í þá og svo bara heim.  Eða sleppa spinning og mæta bara í CXWORX core tímann.  Þessir tímar þurfa ekki að hanga saman.  Svo má líka koma í 60 mínútna spinningtíma og hætta eftir 45 mínútur ef úthaldið er búið.  10 spinningtímar eru í boði í hverri viku, 20-60 mínútna langir.

Börnin verða í aðalhlutverki næsta sunnudag.  Tækjasalurinn verður opin fyrir þau í fylgd forráðamanns.  Þrautabraut verður á neðri hæðinni og drykkir í boði Vífilfells.  Þetta hefur verið sérstaklega vinsæll dagur undanfarin ár og mesta spennan virðist vera að komast í tækjasalinn og þá helst á hlaupabrettin.  Byðjum alla að sýna krökkunum tilitssemi og þolinmæði.