Fréttir

Tryggvi og Anna fóru á mjög spennandi kennaranámskeið í nóvember hjá Les Mills.  Nýtt kerfi sem heitir Grit og er fyrir fólk í góðu formi sem vill fara lengra.  Þau munu verða með námskeið kl 6:10 á morgnana á þriðjudögum og fimmtudögum eftir miðjan janúar.  Svakalega spennandi, skemmtilegt og öflugt kerfi.

Ósk Jórunn hefur boðið uppá Gravitytíma fyrir 60 ára og eldri núna í líklega 2 ár.  Tímarnir eru á mánudags og fimmtudagsmorgnum og byrja núna á mánudaginn kl 10:30

Óskum öllum gleðilegs árs með þakklæti fyrir gott líkamsræktarár.  Við stefnum að skemmtilegu ári og vitum að 2013 verður einstakt fyrir fögur fyrirheit.  Byrjum samt rólega en setjum allt á fullt að loknum jólum 7. janúar.  Skoðið tímatöfluna vel því einhverjir tímar falla niður fram yfir næstu helgi. 

Nú mæta allir í gamlárshlaup UFA sem byrjar hér við Bjarg kl 10 og 11.  Gangan hefst kl 10 og hlaupið kl 11, 5 og 10 km í góða veðrinu.  Súpa frá Rub 23 á eftir og brauð frá Bakaríinu við Brúna.

Hot Yoga verður kl 16:30 í dag og Zumban kl 17:30.  Spinningtíminn er á sínum stað kl 17:15.  Nú mæta allir spenntir að hreyfa sig eftir rólegheitin yfir jóladagana og Abba, Eva og Anna lofa dúndurtímum.

Óskum öllum viðskiptavinum Bjargs og fjölskyldum þeirra gleðilegra jóla og farsældar á nýju ári.

Helstu niðurstöður könnunar sem við gerðum meðal viðskiptavina eru komnar uppá töflu á Bjargi.  Takk fyrir góða þátttöku og jákvæða umsögn.  Mest var kvartað undan tónlist í tækjasal, þrengslum á teygjusvæði og hópeinkaþjálfun.  Erfitt er að gera öllum til hæfis í tónlist og einfaldast að koma bara með ykkar uppáhalds og hafa hana í eyrunum.  Allir sem eru að gera lóða og boltaæfingar eiga að fara út af teygjusvæðinu og framkvæma æfingarnar á gráu eða brúnu mottunum.  Einkaþjálfararnir þurfa svo að passa að hóparnir þeirra taki ekki upp stóran part að tækjunum í of langan tíma.

Það hefur lítil sem engin notkun verið á gæslunni þannig að hún er komin í jólafrí.  Herbergið er opið fyrir þá krakka sem eru nógu stórir til að vera þar ein.

Hvað segið þið um að mæta í heitan tíma (25-30 stig) tvisvar í viku og Gravity einu sinni kl 6:10?  Spennandi námskeið sem Abba hefur verið með kl 9:30 og 16:30 og virka vel.  Komum brennslunni af stað og gerum góðar vaxtamótandi og kjarnastyrkjandi æfingar. Heitt á mánudögum og miðvikudögum og Gravity á föstudögum. 

Allt komið á hreint með hvaða tímar verða í þessari viku, opnu yfir jól og áramót og annað.