Fréttir

Við erum með reynslumikla og góða kennara ásamt nokkrum nýjum sem munu kenna hóptímana í vetur: Óli kennir morgunþrek, hádegisþrek, súprkeyrslu, spinning og á námskeiðum.  Tryggvi kennir spinning og súperkeyrslu.  Hólmfríður kennir á lífsstílsnámskeiði, Hot yoga, Body Balance og þrek.  Adda Þóra og Rannveig Sigurðardóttir (nýr kennari) kenna heitu þrektímana með Öbbu.  Arna Benný kennir Zumbu, spinning og þrektíma.  Jonni kennir spinning og þrektíma.  Anna kennir Body Pump, Gravity, spinning, þrektíma og á námskeiðum.  Þóra kennir Gravity/bolta, Bryndís kennir Hot yoga, Andrea og Guðríður kenna þrek, heita rúllutíma og á námskeiðum.  Tóta kennir þrektíma, Gravity og á námskeiðum. Þórunn Kristín (nýr kennari) kennir Zumbu,  Ósk Jórunn sér um leikfimi fyrir 60 ára og eldri, Abba kennir Hot yoga, Body Balance, heita þrektíma, Gravity/bolta, þrektíma og á námskeiðum. 16 einstaklingar sem leggja sig fram fyrir þig.

Við ætlum að setja allt á fullt 8. september.  Þá kemur inn ný tímatafla og salrinir 3 verða tilbúnir.  Hot yoga og allir heitu tímarnir flytjast í nýjan sal á jarðhæðinni.  Sá salur verður opinn allan daginn fyrir þá sem vilja teygja og slaka í volgum sal.  Stóri salurinn fær rennihurð og þá verður stundum hægt að skipta honum í tvennt.  Opnunartíminn breytist líka 8. september. 

Við gerðum tilraun í fyrra sem tókst vel að ýmsu leiti en virkaði ekki alla leið.  Þess vegna breyttum við aftur í gamla kerfið 1. maí 2014.  Við höldum samt í ýmislegt gott úr nýja kerfinu eins og að selja áfram ódýr kort í tækjasalinn.  Þrekkortin virka síðan eins og gömlu kortin, allir opnir tímar og tækjasalur og allir kaupa núna kortin í afgreyðslunni.  10 tíma kortin gilda í alla opna tíma, ekki bara Hot Yoga eða spinning eins og var.  Hagstætt er fyrir marga að kaupa ódýra tækjasalskortið og svo 10 tíma kort til að fara einstaka sinnum í hóptíma eins og Body Pump og Zumbu t.d.  Ólatíminn á laugardögum fylgir báðum kortum, er eini tíminn sem fylgir tækasalskortinu.

Finnst þér gaman í spinning? Líka að dansa Zumbu og gott að fara í Hot yoga einu sinni í viku og etv. brjálaðan Ólatíma á laugardögum?  Þrekkortið okkar kostar 86.000 kr. árið, 70.000 ef þú ert í skóla og þá ertu að borga um 5.800 til 7.100 kr. mánaðarlega.  Heiti potturinn daglega og hlaupabrettið á undan eða eftir tímunum.

Við ætlum að bjóða öllum sem eru 14 ára og eldri að prufa tíma eins og Zumbu, spinning, Body Pump og Hot yoga vikuna 8. til 14. september.  Tækjasalurinn verður opinn fyrir korthafa þessa viku. 

Allir sem eru í skóla fá afslátt af kortum hjá okkur.  Árskort í tækjasal kostar 39.000 kr.  Við gefum 15% afslátt af þrekkorti sem gildir í tækjasal og alla tíma líka.  Mánuður á 10.000 kr., 3 mánuðir á 25.500kr., 6 mánuðir á 42.000 kr., 9 mánuðir á 55.000 kr. og árið á 70.000 kr.

Það er mjög góð skráning á öll námskeiðin.  40 manns eru byrjaðir á fimm/tveir aðhaldsnámskeiðinu og mikill hugur í fólki og keppnisandi.  Fullt er á námskeiðið Nýtt útlit og við bendum þeim sem vilja komast í heitu tímana á að það eru tveir opnir tímar vikulega ef fólk á þrekkort.  Það getur verið að við bætum við einu Nýtt útlit námskeiði.  Eitt pláss er laust á Dekurnámskeðinu kl. 16:15 en nóg pláss er kl. 8:15.  Munið að þeir sem borga strax geta byrjað að æfa og prufa einhverja tíma t.d.

Við erum byrjuð að skrá á öll námskeið sem verða í boði í haust.  Fyrsta námskeiðið fimm/tveir byrjar á miðvikudaginn.  Þar er góður hópur skráður en samt pláss fyrir um 10 manns í viðbót.  Skráning í Nýtt útlit og á Dekurnámskeiðið er langt komin.  Nóg pláss er á lífsstílsnámskeiðinu og Gravity/bolta. Best er að tryggja sér plássið sem fyrst og núna er pláss fyrir 2 í viðbót í nýju útliti.  Sjáum til hvort við setjum á annað námskeið, t.d. að morgni.

Síðasti útitíminn var í dag.  Næsta fimmtudag kemur inn Hot yoga tími í staðinn.  Það er búin að vera frábær mæting í yogað í sumar þrátt fyrir góða veðrið.  Það verða því þrír tímar á viku núna til 1. september, þá koma inn 5 nýir tímar. Verðum líklega með Hot yoga áskorun í september.

Það verður venjulegur þrektími í fyrramálið kl. 8:15.  Við vorum með heitan og venjulegan til skiptis og þessi venjulegi virðist hafa yfirhöndina hvað mætingu snertir.  Hættum því þessu systemi sem var bara sumarskipulag.