Fréttir

Fyrstu 8 vikurnar á Lífsstílsnámskeiðinu klkárast 9. mars.  Það er keppni og spenna í hópnum.  Sumar eru að keppast við 10% léttingu og aðrar við að massa sentimetrana.  Við munum mæla og vigta fram á síðasta dag.  Verðlaunaafhending fyrir fyrstu 8 vikurnar fer fram mánudaginn 9. mars að loknum tíma.  6 mánaða þrekkort er í verðlaun fyrir 10% léttingu á 8 vikum, 49.000 króna virði.  Námskeiðið er 15 vikur og mun klárast í kringum 4 maí.  Getur verið að við lengjum það þannig að hægt sé að keppa um 8 vikna verðlaunin og klárum þá 11. maí.

Síðasti hádegisyogatíminn var sl. föstudag.  Takk til ykkar sem alltaf komu, en við þurfum helst fleiri en 10 í tíma til að halda þeim inní töflunni.

Við erum búin að færa Body Balance tímana niður í kjallara í nýuppgerðan sal sem tekur um 30 manns.  Þess vegna viljum við sjá fleiri mæta í Body Balance tímana.  Ef þú fílar Hot Yoga þá er Balancinn eitthvað fyrir þig.  Tímarnir eru á miðvikudögum kl. 17:20 og 10:30 á laugardögum.

Það er alltaf hægt að koma inní lífsstílsnámskeiðið og Gravity Bolta námskeiðið.  Á þessum námskeiðum er pláss.  Nýtt útlit og Dekurnámskeiðið eru frekar full en kannski pláss fyrir eina til tvær í hvorum hóp.

Abba er búin að vera að kenna Hot yoga í hádeginu á föstudögum.  Það er frekar léleg mæting og flestir velja þrektímann framyfir Hot yogað. Síðasti tíminn verður því á morgun kl. 12:10.  Bendum á alla hina tímana og t.d. eru enn tveir tímar í boði á fimmtudögum, kl. 6:10 og 17:20.  Á sunnudögum er öruggast að vera búin að sækja sér númer 10 mínútum fyrir tímann til að vera öruggur með pláss.  Núna er Bryndís yogakennari kominn aftur eftir um tveggja mánaða fjarveru vegna puttabrots.  Hóffa kennir í dag og er að koma tilbaka eftir veikindi.

Arna Benný er á leiðinni norður þannig að Zumban fellur niður í dag.

Það er ekkert lát á vinsældum Ólatímans sem er kl. 9:05 á laugardagsmorgnum.  Óli kennir oftast sjálfur og getur endalaust komið á óvart með frábærum þrektímum.  Body Balance tímarnir hafa líka verið endalaust vinsælir síðan Abba byrjaði að kenna þá fyrir um 15 árum.  Fallegir, krefjandi tímar sem eru skemmtileg blanda af óhefðbundnu yoga, Pilates og Tai Chi.  Flott tónlist er eitt af aðalsmerkjum þessara tíma og Grammy verðlaunahafinn Sam Smith á einmitt tvö lög núna í Body Balance.  Zumban hjá Þórunni er síðan opinn fyrir alla sem eiga kort á Bjargi, tækja-eða þrekkort.  Nýjustu og flottustu dansarnir við dúndrandi skemmtilega músík.

Ólatíminn og Zumban á laugardögum fylgja tækjasalskortinu.  Skemmtileg tibreyting fyrir korthafa að hvila sig á tækjasalnum á laugarögum og fara í alvöru þrektíma eða dansa brjálaða og skemmtilega Zumbu.

Það er Body Balance tími í fyrramálið kl. 10:30. Tímarnir eru í nýuppgerðum sal í kjallaranum. Nóg pláss og frábært prógram. Flott tónlist og reynslumiklir kennarar.

Það er Body Balance tími í fyrramálið kl. 10:30. Tímarnir eru í nýuppgerðum sal í kjallaranum. Nóg pláss og frábært prógram. Flott tónlist og reynslumiklir kennarar.