Fréttir

Það er hægt að fara í alla þessa tíma frítt seinni partinn í dag.  Gravity hjá Óla kl. 16:30, Body Balance hjá Hóffu kl. 17:30, Hot Fit hjá Rannveigu kl. 17:30 eða Súperkeyrslu með Tryggva kl. 17:30.  Góð mæting var í morgunþrek og hádegisþrekið fyrri partinn í dag. Þetta er síðasti dagurinn sem er frítt í allt hjá okkur núna þetta haustið.

Zumbatíminn á mánudag 31. ágúst fellur niður vegna veikinda.  Reiknum með að fimmtudagstíminn verði inni.  Það verður ekki Zumba hjá okkur á laugardögum í vetur.  Bendum á Body Balance tímana kl. 10:30 í staðinn.  Þar eru gerðar æfingar í takt við tónlist í 55 mínútur.  Allir eru berfættir og æfingarnar koma úr Tai Chi og yoga.  Einn reyndasti Body Balance kennari landsins kennir tímana, Hólmfríður Jóhannsdóttir.  Þessi tími ásamt Ólatímanum á laugardögum fylgja tækjasalskortinu í vetur.

Það er fullt á námskeiðið Nýtt útlit kl. 16:30.  Bendum á að hægt er að skrá sig kl. 8:15 á þriðjudögum og fimmtudögum.  Það eru aukatímar fyrir þær sem eru í vaktavinnu en skráðar á seinna námskeiðið.  Einnig er fullt á Dekurnámskeiðið kl. 16:30 en við bendum líka á þessa tíma kl 8:15 fyrir þær sem geta mætt svo snemma.

Þrektíminn kl. 17:30 fellur niður í dag. Bendum á Gravitytímann kl. 16:30 og 17:30 í dag. Nóg pláss og Óli kennir.

Við verðum með opna daga 31. ágúst, 1. og 2. september.  Þessa daga geta allir sem eru 14 ára og eldri æft frítt og prufað hina og þessa tíma.  Ný tímatafla tekur við 31. ágúst.  Hvetjum alla til að koma, skoða og æfa.  Bjarg er öðruvísi stöð, þægileg og heimilisleg.  Tækjasalurinn er vel búin og viðbótin við hann er öll efri hæðin með Gravitybekkjum, tækjum, boltum og hjólum.  Hot yoga salurinn er líka opinn allan daginn fyrir þau sem vilja æfa og teygja inní volgum sal og rökkri.  Óli mun halda áfram að setja æfingu dagsins á töflu í tækjasalnum, virkar eins og frí einkaþjálfun allan veturinn.  Hann er oftast við og leiðbeinir frítt.

Frá 31. ágúst verður opið frá 6 til 23 4x í viku.  Á föstudögum verður opið til kl 21, 9 til 16 á laugardögum og 10 til 14 á sunnudögum.

Við erum byrjuð að skrá á öll námskeið haustsins.  Nýjan lífsstíl sem verður á eðal tíma, kl. 17:30 á mánudögum og fimmtudögum, laugardagstíminn er kl. 11:30, byrjum 3. september.  Nýtt útlit eru heitir bolta og þrektímar, Dekrið er fyrir 50 ára og eldri og byrjendur  og Gravity/bolti fyrir þær sem vinna lengi og vilja góða þrektíma í Gravitybekkjunum og með stóru og litlu boltana.

Vegna lokunar á frídegi verslunarmanna, mánudaginn 3. ágúst, tökum við aukatíma fyrir alla sem eru á Gravitynámskeiðunum á þriðjudeginum 4. ágúst kl. 16:30 og 17:30.  Mætið í þann tíma sem hentar betur. 

Við ætlum að setja nýtt Gravitynámskeið af stað á fimmtudaginn kl. 16:30. Frjálst er að flakka á milli hópa. Bendum líka á opnu tímana á fimmtudagsmorgun kl. 6:10 og kl. 8:15 á föstudögum fyrir þá sem missa úr tíma.

Það er fullt á Gravitynámskeiðið sem byrjar á mánudaginn kl. 17:30.  5 eru komnir á biðlista og við getum sett annað námskeið í gang kl. 16:30 sömu daga ef vilji er fyrir hendi.  Höldum áfram að skrá á biðlistann og getum þá líka fært á milli námskeiða ef einhverjir sem eru á námskeiðinu kl. 17:30 vilja vera kl 16:30.  Þurfum 5 í viðbót til að setja annað námskeið í gang.  Það myndi þá kannski byrja á fimmtudaginn í næstu viku.