Fréttir

Já,  eins og flestir vita þá eru spennandi tímar framundan hér á Bjargi. Nýir eigendur taka við um áramót. Frábært fólk sem er fullt af orku og nýjum hugmyndum. Abba og Óli verða í Svíþjóð um jólin en koma tilbaka fyrir áramótin.  Það verður kveðjutími á miðvikudeginum og í leiðinni fögnuður yfir nýjum eigendum. 

Það verða einhverjar breytingar á tímatöflu og opnunartíma um jól og áramót.  Skoðið vel tímatöfluna, hún verður uppfærð og henni má treysta.

Nú eru öll námskeið búin nema Nýr lífsstíll,  þar eru 3 tímar eftir. Bendum öllum sem voru að klára önnur námskeið og vilja halda áfram að mæta í lífsstílstímana. Við ætlum að halda inni Gravity kl. 16:30 á fimmtudögum.  Svo bjóðum við öllum sem voru að klára námskeið að æfa frítt út árið.

Vegna ferlegrar veðurspár þá ætlum við að loka kl 18 í dag. Hot yoga, spinning og lífsstíls tíminn falla niður. Dekurtíminn kl 16:30 er inní og bendum við lífsstílsgellunum á að mæta þar ef þær geta.

Tækjasalurinn verður opinn í dag til kl. 14. Ólatíminn verður kl. 9 en aðrir tímar falla niður vegna veðurs.

Besta jólagjöfin fyrir marga er líkamsræktarkort.  Hvernig væri að gefa unglingnum mánaðarkort í tækjasalinn fyrir 8.600 kr.  Sumir eru flottir á því og kaupa árskort og gefa sínum nánustu.  

Flest námskeiðin okkar eru fram í miðjan desember.  Það fækkar yfirleitt á þeim í desember og frekar fáir sem klára.  Allir sem klára námskeið geta æft frítt út árið. Það er því mikilvægt að klára það sem maður byrjar á, ekki gefast upp eða halda að eitthvað annað sé mikilvægara en góð heilsa.

Það voru því miður ekki nógu margir að mæta í heitu tímana kl. 8:15 á morgnana. Þeir eru því hættir. Bendum á opinn Hot Fit tíma kl. 17:30 annan hvern miðvikudag. Einnig er hægt að komast í heita Pilates/þrektíma með því að fara á námskeiðið Nýtt útlit sem er kl. 16:30 á þriðjudögum og fimmtudögum. 

Við vorum með uppgjör og verðlaunaafhendingu eftir fyrstu 8 vikurnar hjá Lifsstílnum. Eins og oftast á þessum námskeiðum var ein búin að léttast um rúm 10 % á 8 vikum og nældi sér í 6 mánaða þrekkort fyrir það. Sama konan léttist hlutfallslega mest og tók af sér flesta sentimetra. Hún fékk 2 mánaða þrekkort fyrir hvort um sig og gekk því út með 10 mánaða kort. Glæsilegur árangur. 

Fría karlanámskeiðinu er að ljúka núna á moðvikudaginn. Strákarnir er ánægðir með Gravitytímana og vilja halda áfram.  Við ætlum því að prófa 4 vikna námskeið með tímum 3x í viku. Gravity kl. 19 á miðvikudögum og kl. 10:30 á laugardögum.  Spinning á mánudögum fyrir þá sem vilja. Skráning er í gangi og þetta námskeið kostar 15.000 kr. og það er pláss fyrir 16 stráka á öllum aldri. Byrjum 11. nóvember.