Fréttir

Formleg opnunarhátíð útisvæðis verður föstudaginn 30.júní milli klukkan 16 og 18. Allir eru velkomnir og það verða að sjálfsögðu skemmtiatriði og ræður.

Það eru margir að spyrja hvað eigi að vera í litla húsinu á útisvæðinu. Þetta á að vera gufubað, nánar tiltekið eimgufubað. Ef þið skoðið myndina vel að þá þekkja sumir glerið sem komið er í hliðarnar.

Bætt stígakerfi á Akureyri Útivistarstíga og vistvænar samgöngur í forgang

Við frestum líklega formlegri vígslu útisvæðis um viku. Veðurspáin er slæm og okkur liggur ekkert á, fylgist með það verður rosa partý og gaman föstudaginn 30. júní.

Óli ætlar að vera með tíma kl 09:00 laugardaginn 10. júní, eitthvað erfitt og skemmtilegt.

Það voru bara 9 Síðubitar sem kláruðu síðasta 8 vikna námskeið af rúmlega 20 sem byrjuðu. En þessir 9 fá að æfa frítt næstu 8 vikur gegn því að gera samning við Öbbu. Þar setur hún fram ákveðnar kröfur um kíló og mætingu.

Það verður Ólatími og Body Balance á laugardaginn og lokuðu Gravitytímarnir (eflaust hægt að smygla sér inn í þá, einhverjir í burtu vegna Hvítasunnu). Body Jam tíminn fellur niður. Biðjumst afsökunar á hvað margir Jam tímar hafa fallið niður. Abba fór í speglun á hné og er að reyna að vera stillt og skemma ekki það sem var gert.

Við ætlum á Herðubreið í sumar og tvær ferðir á Súlur. Hjólahópurinn verður með þríþraut helgina eftir verslunarmannahelgi og byrja að synda á Laugum, hjóla og hlaupa og enda á Húsavík.

Útisvæðið er að taka á sig mynd þessa dagana og rífandi gangur í þessu. Núna er búið að setja 7 tonna grjóthnullung á svæðið og verður hann kallaður Bjargið. Hitalögnin er komin og allt að verða tilbúið fyrir hellulögn. Svo fer gufan upp bráðum og útisturtan.

Sólarlagshlaup UFA verður föstudaginn 26. maí. Nú er ætlunin að hlaupa kringum Ólafsfjarðarvatn, 14-17km. Þetta er ekki keppnishlaup heldur samvera í fallegu umhverfi. Lagt verður af stað frá Bjargi kl 20:30 og frá sundlauginni í Ólafsfirði kl 22:00. Eftir hlaup verður svo farið í sund.