Fréttir

Þá eru lífsstílsnámskeiðin búin þennan veturinn. Aldrei hefur aðsókn verið eins mikil og þennan vetur og við verið með 3-5 hópa í gangi í einu. Arnbjörg Stefánsdóttir, Ólöf Ómarsdóttir, Vala Magnúsdóttir og Hrafnhildur Stefánsdóttir náðu 10% léttingu og Ólöf 14% sem er met á 8 vikum.

Stælkonur og stubbarnir urðu um helgina Íslandsmeistarar í línudansi í fjórða skipti. Í hópnum eru 18 konur og 2 karlar, meirihluti línudansaranna í hópnum stundar líkamsrækt á Bjargi, í hópnum voru líka fjórir kennarar frá okkur, Abba, Hóffa, Hrafnhildur og Sólrún.

Nú hafa hlauparar UFA og hlaupahópur Dúnnu ákveðið að hlaupa saman í sumar. Það er frábært að sameina sig og stækka hópinn aðeins. Hlauparar hafa ákveðið að hittast 4x í viku.

Krakkarnir í 10.bekk voru að klára prófin í gær og tveir hópar frá Brekkuskóla og Síðuskóla komu hingað í línudans til Öbbu. Þau voru æðislega skemmtileg og öll í góðu skapi og dönsuðu eins og englar.

Litla stelpan hans Tryggva kom í heimsókn á föstudaginn. Hún er bara æðisleg.

Útipallurinn er langt kominn og verður geggjað að geta tekið tíma úti eða fara út til þess að teygja að lokinni æfingu. Veðrið var gott um helgina og hlýtt og gott á pallinum.

Nú er vinnan við útisvæðið komin á fullt aftur og spennandi á sjá hvernig þetta endar. Við lofum því að þetta verður með flottari og best búnu líkamsræktarstöðvum landsins þegar útisvæðið er tilbúið.

Við erum búin að loka gestabókinni í bili. Það er endalaus ruslpóstur sem kemur þangað inn og við getum ekki hent honum út sjálf. Vonandi getum við opnað hana aftur sem fyrst.

Það verður lokað hér mánudaginn 1. maí, allir í kröfugöngu eða einhverri annarri göngu. Miðvikudaginn 3. maí verður svo fyrirlestur um rétt mataræði fyrir öll námskeiðin sem eru í gangi núna, lífsstíl, síðubita og Gravity. Hann verður kl 20:30, strax á eftir útitímanum hjá lífsstílshópnum.

Við þyrftum að vera með helmingi fleiri bekki til að geta sinnt öllum þeim sem vilja komast að á Gravitynámskeið. Þegar lífsstílsnámskeiðin eru búin ætlum við að setja á Gravitynámskeið á mánudögum og miðvikudögum. Já líklega bara tvö skipti í viku.