Fréttir

15 manns og einn hundur mættu í jónsmessugönguna á Ysta-víkur fjall í gærkvöldi. Uppgangan tók aðeins lengri tíma en ætlað var og við þurftum að brjótast í gegnum birkirunna, sem var bara gaman.

Það er gott veður! Og þá skellum við á Jónsmessuferð annað kvöld. Ákvörðunarstaður er Ysta-fell í Víkurskarði.

Anna María og Elín tóku þátt í átaki með okkur og þættinum Bravó á Aksjón eftir áramót(sjá verkefni). Markmiðið hjá þeim var m.a. að fara á Súlutind.

Við höfum alltaf farið í einhverjar ferðir á hverju sumri. Hjólað, gengið á fjöll eða skokkað. Fyrsta ferð er fyrirhuguð um Jónsmessu, munum sameina hjól og fjallgöngu, þ.a. þeir sem vilja hjóla á staðinn en hinir koma á bíl og svo skokkum við upp á eitthvert fjall.

Það eru um 20 manns að mæta í línuskautatímana, greinilega eitthvað sem vantaði hér. Svo mættu rúmlega 40 í Body Jam í gærkvöldi.

Fyrsti Body Jam tíminn á Bjargi og líklega hér á landi með íslenskum kennara var í gær. Ótrúlega góð mæting var, rúmlega 40 manns og geggjuð Hip hop, latin og jazz stemming.

Afmælisdagurinn hans Steina varð að einum allsherjar hlaupa og hreyfingardegi. Hann hljóp í hádeginu og var miklu fljótari en hann eða nokkur annar reiknaði með.

Þorsteinn Pétursson, betur þekktur sem Steini P. lögga og skáti verður sextugur á föstudaginn. Í tilefni dagsins ætlar hann að hlaupa 10 km.

Það mættu 8 hjólreiðamenn og einn á línuskautana fyrsta útidaginn. Þriggja stiga hiti er ekki til að draga að, en þetta eru hraustmenni.

Það verða kynningartímar í Body Jam hér á föstudag kl. 16:30 og laugardaginn 28. maí kl. 13:00