Fréttir

Það fóru út nokkrar ljósritaðar tímatöflur þar sem stóð að barnagæslan væri seinni partinn á föstudögum.  Svo er ekki og byðjumst við velvirðingar á því.  Það er á döfinni að breyta gæslunni næsta haust.  Hafa hana alla morgna, etv. styttri tíma og þá verður hún ekki frí.  Munum setja á lágmarksgjald.

Eva og Gerður dansskvísurnar okkar eru alveg brjálaðar núna.  Þær ætla að frumflytja nýtt Sh´bam á morgun, föstudag kl 17:30.  Æðislegur 45 mínútna danstími með geggjuðum sporum og flottri tónlist.  12 lög og 12 dansar.  Á laugardaginn kl 13 verður svo vinsæli Body Jam tíminn okkar sem er opinn fyrir alla á öllum aldri. Þar verður líka frumflutningur á nýjum dönsum.  Svaka spennandi dagar framundan í dansinum.

Það var gjörsamlega troðið í alla tíma í dag og í gær og erfitt að finna bílastæði.  Sniðugt að koma gangandi eða með strætó!  Hádegishópurinn okkar er mjög stór núna, um 35-40 manns í tímunum.  Spinningtímarnir eru líka vel fullir og öruggara að mæta snemma til að tryggja sér hjól.  32 mættu í Hot Yoga seinni partinn og munið að skrá ykkur ef þið ætlið að mæta á sunnudaginn.  Munið líka að skrá ykkur í Gravitytímana. 

Það komu 131 í vigtun fyrir jól í Hófsemiskeppninni.  Hún gekk út á það að þyngjast ekki yfir jól og áramót. 

Lífsstílsnámskeiðin tvö eru að byrja í dag.  Morgunhópurinn kláraði sinn tíma í morgun, um 30 manns og í kvöld koma tæplega 50 eins og vanalega.  Geysilega vinsæl námskeið sem hafa skilað góðum árangri sl. 10 ár.  Tvö Gravity námskeið eru svo að byrja seinni partinn.  Annað er fullt en kannski einn eða tveir bekkir lausir kl 18:30.  Skvísunámskeiðið fyrir 50 ára og eldri byrjar hjá Öbbu á miðvikudaginn og CrossFit kl 6:10 og CrossFit mömmur á fimmtudag.  Það er pláss fyrir eina tvær skvísur í viðbót og eina mömmu.  Birna hefur pláss fyrir örfáa CrossFittara í viðbót kl 6:10.  Nýtt násmkeið í Gravity kl 16:30 fer af stað á morgun.

Við erum að tína alla tímana inn aftur eftir jólafrí og förum á fullt eftir helgina.  Nýir tímar eru Gravity á þriðjudagsmorgnum kl 6:10.  Body Pumpið kl 6:10 á mánudögum byrjar 23. janúar.  Á döfinni er að setja inn Body Fit á fimmtudagsmorgnum kl 6:10. Þannig að úrvalið á morgnana verður gott, 2x CrossFit, spinning og svo Gravity, Body Pump og Body Fit.  Boxercise tíminn er hættur.  Nýr tími kemur inn í hádeginu á þriðjudögum, CXWORX.  30 mínútna miðjutími sem verður kl 12:20. 

Það voru um 150 manns sem tóku þátt í hófsemiskeppninni yfir jólin.  Nú er komið að seinni vigtuninni í dag og um helgina.  Við munum svo draga út flottu vinningana þriðjudaginn 10. janúar. Árskort, fullt af tímum hjá einkaþjálfara og Gravitynámskeið.

Það verður Zumba á morgun, fimmtudag kl 18:30.  Gleymdist bara að setja hana inn í töfluna eftir jólafríið. Það verða engir tímar eftir hádegi næsta föstudag vegna þrettándans.  Á laugardaginn verður bara Ólatími.  Ætlum að klára jólin á föstudeginum, leyfa ykkur að taka niður skrautið um helgina og mæta svo brjáluð á mánudaginn.  þá koma allir tímar inn eins og Body Jam og Sh´bam, Combat og fleira.  Boxercise tímarnir falla niður á vorönninni.  Body Pumpið á mánudagsmorgnum kemur inn eftir miðjan janúar.  Við munum líklega setja inn opinn Gravitytíma á þriðjudagsmorgnum kl 6:10 og svo er möguleiki á Body Fit boltatíma á fimmtudagsmorgnum kl 6:10.

Þessar stelpur frá USA voru skiptinemar hér sl. sumar og komu í heimsókn til Íslands til að eyða áramótunum á landinu kalda.  Hvergi betra að vera segja þær og brosa í frostinu. 

Skráning á námskeiðin okkar fer vel af stað.  Við erum með námskeið sem ættu að henta öllum.  það sem er nýtt núna er 6x6x6 áskorun fyrir karla.  6 vikna námskeið þar sem æft er 6x í viku og 6 kg fara ef farið er eftir öllu sem lagt er fyrir.  Sonja Sif og Bryndís Arnars munu sjá um að liðka, styrkja, létta og bæta karlana á þessu námskeiði.  Vikuleg fræðsla í netpósti og mikið aðhald fyrir þá sem það vilja.  Þeir fá Hot Yoga, Body Pump, spinning, útitíma og svo alvöru prógramm í tækjasalinn og góða kennslu.