Fréttir

Vaxtamótunarnámskeiðin Nýtt útlit klárast á morgun.  Þá verður pláss fyrir opinn Gravitytíma á miðvikudögum kl 16:30.  Fyrsti tíminn verður ekki næsta miðvikudag heldur hinn.  Munið að skráning í opna Gravitytíma hefst á laugardögum, þannig að það verður skráð í nýja tímann næsta laugardag.  Abba og Hóffa munu kenna þessa tíma að mestu og gera allt sem þeim dettur í hug, frekar erfiðir tímar en henta öllum því þú stillir álagið sjálfur.

Fáar líkamsræktarstöðvar geta boðið uppá jafn skemmtilega aðstöðu og Bjarg á sumrin.  Útitímarnir á pallinum eru einstakir.  Hádegistíminn er úti alltaf þegar veður leyfir, einnig Zumban á laugardögum.  Tímarnir í hádeginu eru fjölbreyttir þrektímar og sjá 5 kennarar um þessa tíma í sumar til að tryggja fjölbreytnina. 

Erum enn með tvo Hot Yoga tíma í gangi á þriðjudögum.  Á morgnana kl 8:15 og seinni partinn kl 17:30.  Nú eru tímarnir ekki troðfullir og því tilvalið fyrir þá sem ekki hafa lagt í að prufa þessa frábæru tíma að gera það. 

Abba frumflutti nýjan Body Balance áðan.  Sumarlegur og hressilegur Balance með fullt af áskorunum.  Anna er búin að frumflytja nýtt Body Pump og CXWORX.  Þannig að nýju kerfin eru komin á fullt.  Hvetjum fólk til að prufa pumpið, styrktarþjálfun í hæsta gæðaflokki og ef þú hefur ekki prófað CXWORX core tímannn þá áttu mikið eftir.  30 mínútur af ótrúlegum æfingum fyrir miðjuna.

Síðasti Ólatíminn var í morgunn.  Barnagæslan mun líka falla niður á laugardögum í sumar.  Gæsluherbergið er opið fyrir eldri krakka.  Það verður einn Body Fit tími í viðbót á fimmtudagsmorgni.  Fylgist vel með því etv. eru fleiri tímar á útleið, enda veðrið gott og allir að fara í frí.

Tryggvi og Birna verða með unglinganámskeið á mánudögum og miðvikudögum kl 13:30 og fimmtudögum kl 12:30.  Námskeiðið er fyrir 12 ára og eldri og verður farið í íþróttaleiki, hjólatúra, krakka CrossFit og fleira.  Tímarnir verða úti og inni  og fyrsti tíminn er 11. júní, verð 12000kr.

Hádegisvalkyrjur Bjargs sigruðu sveitikeppnina þar sem konur voru í meirihluta.  Sveitina skipuðu Rannveig, Sigríður, Sonja of Hulda Elma.  Tvær strákasveitir náðu að vera á undan þeim.  CrossFit stelpurnar skelltu í sveit og stóðu sig vel, kölluðu sveitina Ólán.  Meistaraliðið kom svo úr hlaupahópnum Bjargvættum og Birgitta og Bryndís kennarar hér söfnuðu í lið sem náði sjöunda sæti, glæsilegt.

Það er komin mynd á námskeiðin næsta haust fyrir þá sem eru að brjóta hugann um hvað væri sniðugt að gera.  Sumir vilja skrá sig strax að vori og tryggja sér þannig pláss á vinsælustu námskeiðin, en skráning hefst strax eftir verslunarmannahelgi.   Það verður nýtt og spennandi fræðsluefni sem fylgir lífsstílnum næsta haust.  Vaxtamótunarnámskeiðið Nýtt útlit mun halda áfram og verða hópar að morgni og seinni partinn.  Body Fit námskeið verður kl 6:10 á morgnana og mömmuCrossFit námskeiðið vinsæla verður á sínum stað.  Hægt verður að kaupa 8 vikna aðgang að vefjagigtar Gravitynámskeiðunum og Gravity Extra fyrir þau sem eru 30 kg of þung eða meira verður í boði kl 16:30 þrisvar í viku. Sjá nánar.

Nú er komið að því að gera eitthvað sniðugt og skemmtilegt.  Hlaupum til styrktar Olympíuhópi FRÍ.  2-7 geta skipað boðhlaupssveit og hlaupið 1-2 eða fleiri 3 km hringi í Innbænum.  Byrjum við Leikhúsið kl 17:30 þriðjudaginn 5. júní.  Frábær verðlaun og happdrætti.  Tvær gerðir af sveitum þar sem karlar eru í meirihluta og svo þar sem konur eru í meirihluta.  Veitingastaðirnir Rub 23 og Silva gefa sigursveitunum út að borða og Bjarg gefur Hot Yoga tíma og pott og axlanudd á eftir.  Bautinn, 1862 Nordic Bistro, Svefn og Heilsa, Nettó, Kjarnafæði og fleiri gefa verðlaun og Vífilfell eins og oft áður kemur með svaladrykki fyrir keppendur.Ef þið náið ekki að skrá ykkur í tíma inná hlaup.is er í lagi að mæta og skrá sig á staðnum.

Síðasti Body Balance tíminn á laugardegi er á morgun.  Abba fer út með tímann ef veðrið verður gott.  Það verður Body Balance á miðvikudögum kl 17:30 í allt sumar.  Einstaklega vel samsettir tímar þar sem við hitum upp með Tai Chi æfingum og sólarhyllingu úr Yoga.  Síðan er farið í góðar Yogastöður sem styrkjja allan líkamann og kenna okkur að umgangast musterið sem við búum í.  Kvið og bakæfingar koma að mestu úr Pilates og svo er alltaf góð slökun í lokin.