Fréttir

CrossFit tíminn kl 17:15 á mánudögum er hættur.  Óli lét alla vita af þessu í síðasta tíma.  Mæting hefur verið dræm og því ekki grundvöllur til að halda úti tíma.  Bendum á að það er hægt að taka æfingu dagsins inní CrossFit salnum fyrir áhugasama, hann er opinn.

Frjálsíþróttafólk UFA er mjög áberandi hér hjá okkur á Bjargi og æfa stíft með Gísla Sigurðssyni þjálfara sínum.  Þau náðu frábærum árangri á MÍ um helgina.  Hafdís Sigurðardóttir varð fimmfaldur íslandsmeistari og var að bæta sig t.d. í 400m hlaupi eins og Kolbeinn Höður sem setti íslandsmet í þeirri vegalangd í sínum aldursflokki og varð annar í hlaupinu, frábær árangur hjá þessum unga pilti. Fleiri voru að bæta sig og vinna til verðlauna eins og t.d. stelpurnar í 4x400m boðhlaupi, komu á óvart og sigruðu.  Við erum stolt að geta stutt við þetta efnilega íþróttafólk og óskum þeim og Gísla til hamingju með árangurinn.

Er að hlusta á Evu kenna Zumbuna í diskóljósunum og 40 konur í svaka stuði.  Það er ótrúlega flott stemming í öllum danstímunum á Bjargi.  Eva fer hamförum í Zumbunni þrisvar í viku, Body Jammið og Sh´bam eru svo á föstudögum og laugardögum og þar kennur Gerður Hip Hoppari líka.  Þær ætla að kenna saman næsta laugardag nýja Body Jammið kl 13:00 og það er opið fyrir alla og ekkert aldurstakmark.

Við þurfum ekki að auglýsa vinsælustu Gravitynámskeiðin sem eru tvö fyrir vefjagigtarhópa og eitt fyrir alla.  Ný námskeið byrjuðu í gær og á mánudag.  Biðlisti er inn á öll námskeiðin og konurnar sem eru í vefjagigtargravity námskeiðinu eru margar búnar að vera í nokkur ár.  Gravity er snilldarleikfimi fyrir stoðkerfið og hentar því þeim sem þurfa að styrkja sig en fara varlega. Sjúkraþjálfarar sjá um kennsluna í vefjagigtarhópunum og sjá um að svara spurningum og strá gullkornum til þátttakenda.

Næsta CrossFit námskeið frestast og byrjar 23. febrúar,

Tryggvi og Anný eru alltaf í stuði og núna er það sveitaballaþema í spinning á morgun.  Þið þurfið ekki að mæta í sveitaballadressi heldur ætla þau að spila æðislega tónlist sem hægt er að tengja sveitaböllunum.  Land og synir, Sólstrandagæjarnir, Sálin og Sólin???  Tímarnir eru kl 16:30 og 17:15.

Abba verður með matreiðslukennslu á miðvikudaginn kl 20.  Þetta er hugsað fyrir alla sem eru á námskeiðum á Bjargi.  það er vel fullt og varla pláss fyrir fleiri.  Hún ætlar að gera einfaldan og 70% hollan mat og góðu hráefni, lífrænu í bland.  Engar öfgar og þetta tekur um klukkutíma.  Fullt af smakki oh allir fá uppskriftirnar, 500kr á mann.

Miðvikudagstíminn í Body Jamminu hefur ekki verið nógu vel sóttur og fellur því niður. Body Attack á föstudögum er líka úti.  þar er Body Vive í boði og það er búið að breyta Vivinu og gera það örítið öflugra, meira þol þannig að þau sem voru í Attackinu ættu að prufa Vivið.

Body Pump tíminn á mánudagsmorgnum er kominn inn aftur kl 6:10.  Opni Crossftit tíminn á þriðjudagsmorgnum kl 8:30 færist yfir á mánudagsmorgna.  Hentar betur fyrir barnakonur.  Strákar!  Þessi tími er líka fyrir ykkur ef þið viljið hitta kennarana og taka VOD með skemmtilegum félögum.

Hóffa og Abba ætla að frumflytja nýtt Body Vive á föstudaginn kl 16:30.  Búið er að breyta Vivinu aðeins og fyrri hlutinn er gott þol þar sem litli boltinn er notaður í einu lagi.  Síðan koma góðar æfingar fyrir handleggi, læri og jafnvægi með teygju.  Kvið og bakæfingar í restina og að sjálfsögðu geggjuð tónlist.  Einstaklega góðir tímar fyrir alla og sem dæmi þá kemur hluti af æfingunum í CXWORX core tímanum úr Vivinu.  Program direktor í þessum báðum kerfum er sama konan, Susan Trainor.