Fréttir

Steini P. kom með frábæra hugmynd áðan. Hvernig væri að hittast hér á Bjargi að morgni jóladags, kl 09:30 og skokka saman. Það er yfirleitt enginn á ferli og ef það hefur snjóað er allt slétt og fallegt.

Karlapúlið kláraðist á þriðjudaginn og þar var einn sem sló öll fyrri met. Hann náði 10% léttingu(15,2) er hann reif af sér 15 kíló og 46 sentimetrar fóru, þar af 23 af miðjunni. Hetjan heitir Heimir Sigurðsson.

Aðsóknin er léleg í Gravitytímana í hádeginu á þriðjudögum og fimmtudögum og ætlum við að fella þá niður í desember.

Jólauppskriftir Bjargs eru í stikunni hægra megin þar sem jólatrén eru. 7 blaðsíður af skemmtilegum uppskriftum.

Einn af okkar dyggustu viðskiptavinum varð fertug á mánudaginn og bauð vinum sínum í Súperþrekinu í aukatíma í puði hjá Óla og svo fóru allir að sjálfsögðu í heita pottinn á eftir þar sem Edda Bauð uppá léttar veitingar.

28 þriggja mánaðakort fóru í verðlaun til einstaklinga sem stóðu sig framúrskarandi vel á lífsstílsnámskeiðunum sem voru að klárast í gær. 18 náðu 10% léttingu á 12 vikum, svo voru verðlaun fyrir flest kíló farin og sentimetra í hverjum hóp og fyrir góða mætingu.

Það er lokadagurinn hjá þáttakendum á lífsstílsnámskeiðunum tveimur og Siðubitunum í dag. Allir ætla að muna eftir að mæta í einhverju rauðu eða með eitthvað rautt í tilefni dagsins.

Við ætlum að bæta við Gravity tímum á mánudögum og miðvikudögum kl. 09:30. Þetta verða opnir tímar og þarf að skrá sig, fyrsti tíminn verður næsta mánudag 12. des.

Body Attack tímarnir fóru bara í pásu fram yfir áramót. Þeir koma svo inn aftur í janúar, allt of góðit tímar til að hætta alveg með þá. Ef þú vilt ná þolinu upp þá er Body Attack kjörin leið.

Vantar ykkur ekki alltaf eitthvað sniðugt til að gefa í jólagjöf? Bolirnir og peysurnar okkar eru flott gjöf. Einnig 4 vikna Gravity námskeið á 10000 kr þar sem allt er innifalið, frábær gjöf fyrir makann.