Fréttir

Hóffa, Abba og Bryndís eru í stuði og ætla að bjóða uppá Hot yoga áskorun í september.  Þar bjóða þær uppá 10 tíma á viku og skora á alla að prófa.  Yoga er fyrir alla og þær kenna alltaf eins og allir séu byrjendur.  10.000 kr. fyrir mánuðinn og ef fólk vill halda áfram fram að jólum þá dregst þessi 10.000 kall frá 35.000 krónunum sem er verðið fyrir 16 vikur.  Skráning er hafin, allir með!

Það eru rúmlega 30 manns skráðir í Nýtt útlit kl 16:30 og hópurinn að fyllast.  Við munum auglýsa í næstu viku og því gott að tryggja sætið áður.  Nóg pláss er í hópana kl 8:30 og 17/18:30.  Það má flakka á milli hópa opg við eigum eftir að finna einn tíma í viðbót fyrir 17:30 hópinn, spinningtíma.

Við munum ekki þurfa að loka vegna flutninganna.  Nú er búið að mála gólfið í nýja tækjasalnum og við erum byrjuð að flytja hann niður.  Teygjusvæðið er því á neðri hæðinni eins og er, rimlarnir, boltar, lóð, róðrarvélar og fleira..  Framkvæmdir á efri hæð munu svo fara í gang í vikunni.  Allat sem þarf að gera er frekar einfalt og tekur ekki langan tíma eða mun trufla starfsemina.

Það verður lokað á sunnudag og mánudag.  Við ætlum að nota tækifærið og mála gólf og fleira. 

Eitt stórt námskeið verður í boði næsta haust fyrir alla sem vilja komast í gott form, halda við góðu formi, léttast, breytast og njóta þess að vera til.  3 hópar verða í boði, kl 8:30, 16:30 og svo var að bætast við hópur sem verður kl 17:30 á mánudögum og 18:30 á miðvikudögum.  Frjálst er að flakka á milli allra tímanna og innifalið er mæting í 4 Hot Yoga tíma á viku, tvo Body Balance, einn spinningtíma og Bjargþrekið. 3 fastir tímar:  Heitur þrektími með bolta, foamrúllur og teygjur, þrektími með þyngri lóðum, Gravitybekkjum og þoli og þriðji tíminn er spinningtími.  Umsjón hafa Óli og Abba en það koma fleiri kennarar að tímunum. Þannig að það verða 8 lokaðir tímar fyrir hópinn og 8 opnir tímar.  Flott boð og námskeiðin eru töluvert ódýrari en síðast.

Ef þið viljið rólegan sóbaðsstað með heitum pottum í dag þá er skjólið gott og sólin sterk hjá okkur á Bjargi.  Ath. lokað milli kl 14 og 16. Svo er ekki galið að æfa í sólinni á útisvæðinu glæsilega og slá tvær flugur í einu höggi.

Við fáum alltaf fullt af gestum frá samstarfsstöðvum okkar víðsvegar af landinu yfir sumarið.  Mælum eindregið með því að okkar viðskiptavinir notfæri sér þessar stöðvar, eins og í Keflavík, Vestmannaeyjum, Sporthúsið og Hress t.d.

Hot Yogasalurinn er búin að fá sína tiltekt.  Búið að slípa gólfið og lakka, þvílíkur munur. Spinningsalurinn er tilbúin með 27 hjólum.  Það verða 10 hjól í tækjasalnum og 10 í stóra hóptímasalnum.

Helstu kostirnir eru ódýr tækjasalur fyrir þá sem eru bara þar.  Ef þú kaupir þig í tíma hjá kennara þá ræður þú förinni.  Þarft ekki að borga fyrir sumarið eins og þegar árskort er keypt og ert ekki að borga fyrir aðgang að tækjasal og öðrum tímum sem þú notar ekki.  T.d. er fullt af konum sem eru bara í Body Balance allan veturinn.  Þær geta keypt sig inní þá tíma fyrir 50 þúsund árið og fá Hot Yoga aukatíma og Bjargþrekið með. Þú getur keypt t.d. árskort í tækjasal og svo langar þig til að mæta í spinning einu sinni í viku með.  Þá er hægt að kaupa önnina fyrir 14000kr.  Því korti fylgir svo Bjargþrekið á laugardögum.  Þannig kemst viðkomandi í tækjasalinn alla daga, Spinning og Bjargþrekið aukalega fyrir um 70 þúsund árið með fríi yfir sumarið frá tímunum en tækjasalurinn inni allt árið.

Það eru alltaf að koma inn fleiri tímar í töfluna fyrir næsta haust og taflan að þéttast.  Ótrúlega flott úrval og meira á leiðinni.  Skoðið framboðið undir hóptímar næsta haust.