Fréttir

Það er frábær þátttaka í Hot yoga áskoruninni og sumir tímar vel fullir.  Í gær var ansi þröngt og við ætlum því að stækka salinn á þriðjudögum og fimmtudögum kl. 17:30 og þá komast auðveldlega 50 manns inn.

Það þarf meira pláss fyrir spinninghjólin og við eigum 40 hjól og salurinn uppi rúmar þau léttilega með öllu hinu og gólfplássinu.  Því höfum við ákveðið að færa hjólin upp og gefa fleirum tækifæri á að spinna.  Plássið í kringum hvert hjól verður meira, enn betra loft og möguleiki á góðu gólfplássi fyrir teygjur á eftir.  Gerum spinningsalinn að teygjusal og getum þá komið fleiri tækjum inní tækjasalinn, æði!

Núna er frí kynningarvika í unglingaþrekinu hjá Tótu.  Tímarnir eru kl 15:30 á mánudögum, þriðjudögum og fimmtudögum.

Stór hópur er komin í Hot yoga áskorunina í september.  Við byrjum á morgun kl. 16:30.  Smá breyting er á morguntímanum á þriðjudögum hann verður kl. 9:15 og kvöldtíminn á miðvikudögum er kl. 20.00 ekki 20:30.  Annað er eins og var auglýst.  Jógakennararnir eru spenntir að byrja og spennandi verður að fylgjast með fólkinu sem kemur, framförum og bættri líðan. 

Opna vikan er að baki og nú fer allt í gang.  Frítt verður í Dalily Hiit kl. 6:10 í næstu viku hjá Öddu Þóru og Tótu fyrir alla sem vilja prufa skemmtilega morguntíma.  Það verður líka opið fyrir þá sem vilja prufa hádegisþrekið í næstu viku og skvísur og stælgæja kl 16:30.  Frjálst er að prufa súperspinning á sunnudögum hjá Önnu.   Enn er laust í einhverja hópa og sumir eru fullir.  Ekki hika við að hafa samband og kanna málið.

Stóri þrektíminn á laugardagsmorgnum kl. 9 sem enginn má missa af.  Krakkarnir geta farið í krakkajóga á meðan og svo fara allir í pottinn á eftir.  Hljómar vel, er það ekki?

Fólkið kemur í sæluvímu út úr heitu rúllutímunum.  Sjálfsnud af bestu gerð í hita og notalegheitum.  10 tíma kort á 10.000 kr. 

Við ætlum að gera extra vel við alla nemendur í grunnskólum og framhaldsskólum og bjóða þeim kort í tækjasal fyrir 35.000 kr. árið.  Kortinu fylgir 10 tíma gatakort í Hot yoga.  Þessi kort eru komin í sölu.  Athugið að viskiptavinir þurfa að verða 14 ára á árinu til að geta keypt kort.

Já, það var fullur salur í Hot yoga kl 20 í kvöld, bjuggumst ekki alveg við því.  En það eru alltaf fleiri og fleiri að uppgötva hvað það er gott að koma inní hitann.  Góð skráning er í áskorunina í september og við erum spennt að heyra í fólki eftir þann tíma, hver ávinningurinn verður.

Við hvetjum alla til að prufa þrektíma í nýja, flotta salnum.  Óli verður með einn á morgun kl 16:30.  Anna ætlar að pumpa stangirnar 2x á morgun og Andrea og Guðríður munu hafa gaman saman úti 2x á morgun, þær fara frá Bjargi kl. 8 og 12.  Það er löngu orðið fullt í mjúkleikfimina og kominn dágóður biðlisti.  Sjúkraþjálfararnir verða með kynningartíma á morgun kl 17:30.  Hentar öllum sem eru með stoðkerfisvandamál og vefjagigt.