Fréttir

Stór kynningar og partýtími í Body Vive verður á föstudaginn(11. janúar). Hóffa, Birgitta og Abba verða allar að kenna og mæta að sjálfsögðu í fjólubláu, en það er litur Body Vive.

Það voru 48 konur í konutímanum í gær og þeim á eflaust eftir að fjölga. Vegna þessa fjölda þurfum við að nota báða salina fyrir þennan tíma á miðvikudögum eins og mánudögum.

Hvernig er best að byrja? Hvað er hagstæðasta kortið? Best er að byrja á því að labba á hlaupabrettinu og fá kennslu í tækjasalnum, mappa við afgreiðslu. Einnig er gott að byrja á lífsstílsnámskeiði því þar færð þú allan pakkann.

Þessir tímar eru algjör snilld fyrir konur á öllum aldri. Skemmtilegar æfingar með lítinn bolta og teygju, frábær tónlist og lúmskt erfiðir. Við vorum með einn tíma fyrir áramót, kl 16:30 á þriðjudögum.

Gravity eru tímar sem hafa algjörlega slegið í gegn hjá okkur. Það verða bara allir að prufa þetta kerfi. Árangur sést fljótt og það sem er best, þetta hentar öllum.

Loksins, loksins myndu sumir segja. Já, við erum komin með Body Combat inn í tímatöfluna. Ætlum að byrja með einn tíma á viku kl. 18:30 á miðvikudögum.

Það var sko gaman í áramóta-gleðitímanum. Um 70 manns mættu og Abba byrjaði með diskó/kántrý upphitun. Hún og fleiri voru í Jane Fonda stílnum og margir skemmtilega klæddir.

Bendum fólki á að þeir tímar sem við fellum út stuttu fyrir jól eru komnir inn aftur. Skoðið tímatöfluna vel og hvernig væri að drífa sig af stað.

Nú er skráning í gangi á 7 Gravity námskeið, 3 lífsstílsnámskeið og eitt Gravity Pilates námskeið. Gravity námskeiðin hefjast 7. janúar, Pilates 8. janúar og lífsstíllinn 14. janúar.