Tilkynning vegna COVID-19

COVID-19

Kæri viðskiptavinur

Heilbrigðisráðherra hefur gefið út tilskipun um samkomubann sem gildir í fjórar vikur, frá og með mánudeginum 16. mars kl. 00:01 til og með mánudagsins 13. apríl kl. 00:01.
Samkomubannið gildir um viðburði þar sem fleiri en hundrað manns koma saman og ná takmarkanirnar til landsins alls. Auk þess þarf að tryggja að nánd milli manna verði yfir tveimur metrum á öllum samkomum.

Þetta þýðir að þjónusta okkur mun verða takmörkuð og þurfum við á ykkar liðsinni að halda við að leggja okkar af mörkum til almannavarna.

• Opnunartími stöðvarinnar breytist sem hér segir:
  • Virka daga, 05:50 – 21:00
  • Helgar, 9:00 – 14:00
  • Opnir tímar
    • Hjólasalur, hámark 20 manns
    • Þreksalur, óbreytt (æfingar verða með breyttu sniði)
    • Heiti salur, hámark 9 manns, koma með eigin handklæði

Allir hóptímar verða styttir um 10 mín. til að takmarka samgang hópa.

• Námskeið
  • Halda áfram og mun hver þjálfari halda viðskiptavinum upplýstum um fyrirkomulag þeirra.
  • Tækjasalur
    • Aukum rými milli iðkenda og verður því einungis annað hvert þrektæki í boði.
    • Við biðjum iðkendur að hafa um 2 metra á milli sín í æfingum og deila ekki búnaði með öðrum.
    • Vinsamlegast sótthreinsa öll áhöld og búnað fyrir og eftir æfingar og setja á sinn stað.

Það er ósk okkar að iðkendur mæti á réttum tíma á æfingu og dvelji ekki í húsinu að óþörfu, þannig að ekki safnist saman hópar fólks fyrir utan æfingasali eða í búningsklefum.  Ef þú hefur svigrúm til þess að fara í sturtu heima, þá er það vel þegið.